Supsadan 2,1 mln. ton neft ixrac edilib | Banco.az

Supsadan 2,1 mln. ton neft ixrac edilib

Azərbaycan Dövlət Neft Şirkəti (SOCAR) bu ilin oktyabr ayı ərzində Supsa limanından (Qara dəniz, Gürcüstan) 267 643 ton xam neft ixrac edib.

SOCAR-ın verdiyi xəbərə görə, bu göstərici ötən ilin müvafiq ayından 21% az olub.

Ümumilikdə, yanvar-oktyabr ayları ərzində Supsa limanından 2 121 271 ton neft ixrac olunub ki, bu da illik müqayisədə 10,6% azdır.

Ən sərfəli kredit üçün müraciət et

Qeyd edək ki, SOCAR tərəfindən ixrac olunmuş xam neft göstəriciləri həm Azərbaycan dövlətinə, həm də şirkətin özünə məxsus xam neft həcmlərini əks etdirir. Xam neft Supsa limanına Bakı-Supsa kəməri adlandırılan Qərb İxrac Boru Kəməri vasitəsilə nəql olunur. Bu boru kəməri ilə Xəzərin Azərbaycan sektorundakı “Azəri-Çıraq-Günəşli” yataqlar blokundan çıxarılan neftin bir hissəsi dünya bazarına daşınır. Kəmər 1999-cu il aprelin 17-də istifadəyə verilib, illik ötürücülük qabiliyyəti 7 mln. tondur.

Mənbə: Report.az

Ən sərfəli krediti almaq üçün müraciət et