"Azərsu" ASC-nin vergilərin vaxtında ödənilməməsinə görə hesablanmış faizlər üzrə borcları 20,8 mln. manat, maliyyə sanksiyaları isə 2,2 mln. manat təşkil edir. Bu barədə Vergilər Nazirliyinin (VN) Vergi risklərinin təhlili və nəzarəti baş idarəsinin rəisi Natiq Şirinov məlumat verib.
O, bu barədə "Vergi ödəyicilərinin 2017-ci il 1 yanvar tarixinə mövcud olan vergi borclarının tənzimlənməsi haqqında" qanun layihəsinin Milli Məclisin komitə iclasında müzakirəsi zamanı danışıb.
VN rəsmisinin sözlərinə görə, 1 dekabr 2017-ci il tarixinə vergi borclarının məbləği 1 mlrd. 527 mln manat təşkil edir ki, bunun 904,3 mln. manatı əsas vergi borclarıdır, 237,1 mln. mamatı maliyyə sanksiyası, 386,4 mln. manatı faiz borcudur: "Qanunun qəbulu nəticəsində vergi borclarının məbləği 900 mln. manata düşəcək".
Mənbə: Report.az
