Müəllif:Ayşən İmanova/Banco.az
“SpaceX” şirkətinin “Falcon 9” raketi ABŞ Milli Kosmik Kəşfiyyat İdarəsinin (NRO) maraqlarına uyğun olaraq bir qrup peyklə birlikdə orbitə buraxılıb.
Banco.az xəbər verir ki, raket Kaliforniyanın Vandenberq hərbi hava bazasından buraxılıb. Adı “NROL-146” olaraq müəyyənləşdirilən gizli missiya, bu il “SpaceX” şirkətinin sayca 52-ci buraxılışıdır.
“NRO” rəsmiləri daha əvvəl orbitdəki kosmik gəmilərin sayını dörd dəfə artırmağı hədəflədiklərini bildirmişdilər. Onların fikrincə, bu, peyklərdəki yeni texnologiyalarla birləşərək, kəşfiyyat məlumatlarının toplanması həcminin on dəfə artmasını təmin edəcək.
Departament qeyd edib ki, daha kiçik və daha çox sayda peyk kritik ərazilərin tez-tez monitorinqini aparmağa imkan verəcək ki, bu da kəşfiyyat məlumatlarının daha sürətli alınmasına səbəb olacaq.
Qeyd edək ki, peyklər 2021-ci ildə “SpaceX” və “Northrop Grumman”a verilən 1,8 milyard dollarlıq “NRO” müqaviləsi əsasında hazırlanıb.
Bizi sosial şəbəkələrdən izləyin!!
