Bakı Fond Birjasına istinadən hazırda Azərbaycan səhmdarlarının sayı 100-dən çox olan 280 şirkət fəaliyyət göstərir. Bank sektoru bu siyahıda ancaq 2 bankla iştirak etmişdir. Ilk onluğa isə onlardan yalnız biri Dəmirbank ASC daxildir və 6-cı yerdədir. Digər bir bank – Kapital Bank ASC 142-ci yerdə qərarlaşmışdır.
Xatırlatmaq istərdik ki, Dəmirbankın səhmdarları siyahısına AYİB (Avropa Yenidənqurma və İnkişaf Bankı) və FMO (Hollandiya İnkişaf Maliyyə Şirkəti)daxildir ki, onlar da “35% + 1 səhm” həcmində səhm paketinə sahibdirlər. Kapital Bankın isə nizamnamə kapitalının 99,84%-i "Paşa Holdinq"-ə məxsusdur. "Paşa Holdinq" isə öz növbəsində Paşa Bank, Paşa Sığorta, Paşa İnşaat, Paşa Həyat, Paşa Səyahət kimi şirkətlər qrupundan ibarətdir.
Səhmdarların sayı 100-dən çox olan emitentlərin ilk onluğu ilə sizləri tanış edirik:
- Azəraqrartikinti ASC
- Azərboru ASC
- AZENCO ASC
- Neftyoltikintitəmir ASC
- Neftlayihətikinti ASC
- Dəmirbank ASC
- N.Quliyev adına Bakı-Taxıl ASC
- Saatlı-Pambıq ASC
- Azərtikintiservis ASC
- Magistral-ekspress ASC
Göründüyü kimi qeyri-maliyyə sektoru, xüsusən də tikinti sektoru bu sahədə liderlik edir.
