Müəllif - Fərid İslamov/Banco.az
Banco.az-ın məlumatına görə Noyabrın 10-dan noyabrın 17-dək Rusiyanın beynəlxalq ehtiyatları 3,9 milyard dollar artıb
Rusiyanın beynəlxalq ehtiyatları noyabrın 17-nə 581,2 milyard dollar təşkil edib, bu barədə Rusiya Bankı məlumat yayıb.
Noyabrın 10-na olan məlumata görə, beynəlxalq ehtiyatlar 577,3 milyard dollar olub, beləliklə, həftə ərzində 3,9 milyard dollar artıb.
Beynəlxalq ehtiyatlar Rusiya Bankının və hökumətin sərəncamında olan yüksək likvidli maliyyə aktivləridir. Onlar xarici valyuta aktivlərindən, monetar qızıldan, xüsusi borc almaq hüququndan (SDR, xüsusi borc almaq hüququ, Beynəlxalq Valyuta Fondu tərəfindən istifadə edilən hesab vahidi), BVF-də ehtiyat mövqedən və digər ehtiyat aktivlərdən ibarətdir.
