Müəllif:Mehin Qasımova,Banco.az
Kriştiano Ronaldo dəbdəbəli həyat tərzi ilə yenidən futbol və idman dünyasının diqqət mərkəzinə çevrilib.
Banco.az xəbər verir ki, "Əl-Nəsr" klubunun və Portuqaliya milli komandasının ulduzu təxminən 1,32 milyon dollar dəyərində avtomobil alıb.
Məlumata görə, bu avtomobil məşhur "Refined Marques" şirkəti tərəfindən xüsusi olaraq modifikasiya edilib.
Avtomobilin ən diqqətəlayiq cəhəti dünya miqyasında cəmi 20 ədəd istehsal olunmasıdır. Ronaldonun seçdiyi model standart versiyalardan olduqca fərqlidir. Əl-Nəsr klubunun ikonik sarı və mavi rəngləri ilə bəzədilmiş avtomobilin qapısında xüsusi "CR7" loqotipi var. Bu, futbolçunun şəxsi stilini və brendini daha da vurğulayır.
Xatırladaq ki, Kriştiano Ronaldo 2023-cü ildən bəri Səudiyyə Ərəbistanının "Əl-Nəsr" klubunda oynayır. 41 yaşlı hücumçu bu mövsüm Səudiyyə Ərəbistanı Pro Liqasında 25 qol vurub.
Ronaldo təkcə futbol meydançasında deyil, həm də həyat tərzi, dəbdəbəli xərcləri və meydandan kənar şəxsi üstünlükləri ilə azarkeşlərin və medianın diqqətini cəlb etməyə davam edir.
