1 dekabr 2018-ci il tarixinə Azərbaycanda banklar tərəfindən 2490 ədəd bankomat quraşdırılıb ki, bu da 2017-ci ilin sonuna olan göstəricidən 2,4% çoxdur. Bu barədə “Marja” Azərbaycan Mərkəzi Bankına istinadən xəbər verir.

Dekabrın 1-nə Bakıda 1322 ədəd (yanvar-noyabr aylarında artım 1,1%), bölgələrdə 1168 ədəd (artım 4%) bankomat quraşdırılıb.

2018-ci il dekabrın 1-nə respublika ərazisində ticarət və xidmət obyektlərində quraşdırılan pos-terminalların sayı 65912 ədəd təşkil edib ki, bu da 2017-ci ilin sonuna olan göstəricidən 0,7% çoxdur.

Bununla yanaşı, Bakıda 38602 ədəd (artım 4,1%), regionlarda 27310 ədəd (azalma 3,8%) pos-terminal mövcuddur.

Pərakəndə ticarət obyektlərində 64517 ədəd pos-terminal və ya bütün pos-terminalların 97,9%-i quraşdırılıb.

Marja