Müəllif: Tamara Mustafayeva, Banco.az
ABŞ prezidenti Donald Tramp təyyarə mühərrik hissələrinin və müxtəlif ABŞ texnologiyalarının Çinə ixracını dayandırıb.
Banco.az xəbər verir ki, Real Madrid Santiago Bernabéu Stadionunun yenidən inşası sayəsində gəlirlərini əhəmiyyətli dərəcədə artıraraq, klub dəyəri baxımından əsas rəqiblərini geridə qoyub.
"Football Benchmark"ın son illik hesabatına əsasən, 2024-cü ilin yanvar ayı etibarilə İspan klubunun dəyəri 6,3 milyard avroya (7,1 milyard dollar) çatıb. Bu, ötən illə müqayisədə 23% artım deməkdir.
Bu rəqəm ABŞ-ın ən böyük idman klubları ilə müqayisə edilə biləcək səviyyədədir. Məsələn, ötən həftə NFL, San Francisco 49ers klubunun 8,5 milyard dollarlıq dəyərlə 6,2%-lik hissəsinin üç sərmayə qrupuna satılmasını təsdiqlədi. Bu, idman klubu üçün indiyə qədər qeydə alınmış ən yüksək dəyər hesab olunur. Boston Seltiks isə hazırda 6,1 milyard dollarlıq dəyərlə satış prosesindədir.
Real Madrid yaxın zamanda 1,76 milyard avro (1,9 milyard dollar) dəyərində olan stadion yeniləmə işlərini başa çatdırıb və ulduz futbolçular Kilian Mbappe və Cuyd Bellinqhemi transfer edib.
Klub prezidenti Florentino Pérez 15 dəfə Avropa çempionu olmuş Real Madridin əslində 10 milyard avrodan çox dəyərə sahib olduğunu düşünür. Real Madrid hələ də üzvlük əsaslı, mənfəət məqsədi daşımayan bir klub kimi fəaliyyət göstərir və yüzlərlə üzv tərəfindən dəstəklənir.
Bizi sosial şəbəkələrdən izləyin!!
