Rabitəbank-dan 311 min manat xalis mənfəət! - II RÜB

“Rabitəbank” ASC 2018-ci ilin birinci yarısını 311 min manat xalis mənfəətlə başa vurub. Müqayisə üçün qeyd edək ki, Bank 2017-ci ilin birinci yarısını 421 min manat xalis mənfəətlə bağlamışdı.

“Rabitəbank”ın faiz gəlirləri 2018-ci ilin birinci yarısında 2017-ci ilin eyni dövrü ilə müqayisədə 44,2% artaraq 17 milyon 483 min manat təşkil edib. Bank 2017-ci ilin birinci yarısında 12 milyon 121 min manat faiz gəliri əldə etmişdi. Bankın qeyri-faiz gəlirləri isə 42,8% azalaraq 4 milyon 463 min manat düşüb. “Rabitəbank” 2017-ci ilin birinci yarısında 7 milyon 804 min manat qeyri-faiz gəliri əldə etmişdi.

Ötən ilin birinci yarısında 10 milyon 556 milyon manat olan cəmi xalis gəlirlər cari ilin birinci yarısında 11 milyon 333 milyon manata yüksəlsə də, artan inzibati xərclərə və ehtiyatlara ayırmalar ilə əlaqədar olaraq xalis mənfəət bir qədər azalıb.

İnzibati xərclər 5 milyon 452 min manatdan 7 milyon 343 min manata çıxıb. Eyni zamanda “Rabitəbank” ehtimal olunan kredit və depozit itkiləri üçün ehtiyatlara 3 milyon 678 min manat ayırıb (ötən ilin birinci yarısında 4 milyon 683 min manat ayırmışdı).

“Rabitəbank”ın kredit portfeli ötən ilin birinci yarısı ilə müqayisədə bu ilin eyni dövründə 36,7% artaraq 263 milyon 344 min manata yüksəlib. Bank 30 İyun 2017-ci il tarixində 192 milyon 590 min manat kredit portfelinə malik idi.

Banklararası kreditlər və depozitlər isə 2,6 dəfə artaraq 144 milyon 446 min manata yüksəlib. Balansın bu maddələri üzrə artım nəticəsində “Rabitəbank”ın cəmi aktivləri 6,7% artaraq 30.06.2018-ci il tarixində 712 milyon 492 min manata çatıb. Bank 30.06.2017-ci il tarixində 667 milyon 857 min manat cəmi aktivlərə malik idi.

Ən sərfəli kredit üçün müraciət et

"Rabitəbank"da müştərilərin cari hesabları və müştərilərin müdddətli depozitləri də artıb. Müştərilərin cari hesabları 16% artaraq 314 milyon 805 min manata, müştərilərin müdddətli depozitləri isə 11,4% artaarq 219 milyon 722 min manata çatıb.

"Rabitəbank" 30 İyun 2018-ci il tarixində 99 milyon 940 min manat məcmu kapitala malik olub, bu da minimal tələbdən təxminən 2 dəfə çoxdur.