Qlobal neft hasilatı mayda aprel ayı ilə müqayisədə gündəlik 100 min barrel azalma ilə 99 milyon 500 min barrelə enib
Beynəlxalq Enerji Agentliyinin aylıq neft bazarı hesabatına görə, Neft İxrac Edən Ölkələr Təşkilatının (OPEC) xam neft hasilatı mayda gündəlik 230 min barrel azalma ilə 29 milyon 950 min barel olub.
Xam neft xaricindəki digər OPEC hasilatı isə sutkada 5 milyon 580 min barrel təşkil edib. Beləliklə, OPEC-in ümumi neft hasilatı gündəlik 35 milyon 530 min barel təşkil edib.
Mayda OPEC çərçivəsində İraq, Anqola və Küveytdəki istehsal artımı, İran və Venesueladakı ciddi azalmanı bərabərləşdirib.
İraqda gündəlik hasilat 130 min barel, Anqolada 40 min və Küveytdə gündəlik hasilat 20 min barel artıb. İraqda hasilat gündəlik 4 milyon 780 min, Anqolada 1 milyon 450 min barrelə qalxıb. Küveytdə hasilat də gündəlik 2 milyon 710 min barel olub.
Hesabata görə, ötən ay OPEC daxilində ən çox istehsal azalması İran və Səudiyyə Ərəbistanında baş verib. İranın gündəlik neft hasilatı 210 min barrel azalaraq 2 milyon 400 min barelə, Səudiyyə Ərəbistanının gündəlik hasilatı da 110 min barel azalma ilə 9 milyon 700 min barrelə enib.
OPEC-ə üzv olmayanölkələrin neft hasilatı isə 130 min barel artımla gündəlik 63 milyon 970 min barel olub.
Beləliklə, qlobal neft hasilatı mayda əvvəlki ayla müqayisədə gündəlik 100 min barrel azalaraq 99 milyon 500 min barel olub.
2019-DA TƏLƏB ARTACAQ
Hesabata görə, qlobal neft tələbinin bu il gündəlik orta hesabla 1 milyon 200 min barel artımla 100 milyon 300 min barrelə yüksələcəyi nəzərdə tutulur.
Marja
