Müəllif: Tamara Mustafayeva, Banco.az
Qlobal ərzaq qiymətləri avqust ayında illik 1,1 faiz azalıb.
Banco.az xəbər verir ki, Birləşmiş Millətlər Təşkilatının Ərzaq və Kənd Təsərrüfatı Təşkilatı (FAO) ərzaq məhsullarının beynəlxalq qiymətlərində aylıq dəyişiklikləri izləyən Qlobal Ərzaq Qiymətləri İndeksinin avqust ayı nəticələrini açıqlayıb.
FAO məlumat verib ki, Qlobal Ərzaq Qiymətləri İndeksi avqust ayında bitki yağı və süd məhsullarına tələbatın artmasına baxmayaraq şəkər, ət və taxıl məhsullarına tələbatın azalması səbəbindən məhdud azalma qeydə alıb.
Müvafiq olaraq, indeks avqust ayında əvvəlki aya nəzərən 0,3 bənd azalaraq 120,7 punkt olub.
Əsas ixracatçı ölkələrdə, xüsusilə ABŞ və Argentinada yaxşı məhsul gözləntiləri səbəbiylə Taxıl Qiyməti İndeksi avqust ayında əvvəlki aya nisbətən 0,5 faiz azalıb.
Bizi sosial şəbəkələrdən izləyin!!
