Müəllif: Tamara Mustafayeva, Banco.az
Qərbi Afrika ölkəsi olan Qana yenidən Afrikanın ən böyük qızıl istehsalçısına çevrilib.
Banco.az xəbər verir ki, Qana ötən il qızıl hasilatında 32 faiz artımla yenidən qitənin ən böyük qızıl istehsalçısı olub.
Bu barədə Qana Mədən Palatasının sədri Coşua Mortoti açıqlama verib.
Onun sözlərinə görə, 2022-ci ildə ölkədə həm böyük, həm də kiçik və orta şirkətlərin qızıl istehsalı əhəmiyyətli dərəcədə artım göstərib. Mortoti qeyd edib ki, Qanada qızıl hasilatı bir il əvvəlki 2,8 milyon unsiyadan 2022-ci ildə 3,7 milyon unsiyaya (105 ton) yüksəlib.
Sədr həmçinin vurğulayıb ki, sözügedən artımda iri şirkətlərin rolu daha çoxdur.
Bizi sosial şəbəkələrdən izləyin!!
