Müəllif:Ayşən İmanova/Banco.az
2024-cü ildə Polşa ÜDM-in 3,7%-ni müdafiəyə xərcləyib ki, bu da rekord göstəricidir.
Banco.az xəbər verir ki, bu barədə “Rzeczpospolita” məlumat yayıb.
Məlumata görə, Müdafiə Nazirliyinin 2024-cü il büdcəsi bütün dəyişikliklərdən sonra 115,595 milyard zlotıya bərabər olub. Nazirlik Sosial Müdafiə Fonduna 15,6 milyard zlotı köçürüb. Bildirilir ki, bunu nəzərə alaraq, büdcə fondundan təxminən 100 milyard zlotı xərclənib.
Qəzet Silahlı Qüvvələrə Dəstək Fondunun xərclərinə də diqqət çəkir. Plana 47,96 milyard zlotı daxildir. İlkin məlumatlara görə, Polşa Silahlı Qüvvələrinin inkişafı üçün xərclər planın 71,7% -ni təşkil edir, yəni təxminən 34 milyard zlotı.
“Rzeczpospolita” bildirir ki, “hər iki mənbədən xərclər müdafiəyə xərclənən 134 milyard zlotı (təxminən 32,5 milyard dollar) və ya 2024-cü ildə ÜDM-in 3,7%-ni təşkil edir”. Bunun Polşa tarixində rekord olduğu vurğulanır.
Müdafiə xərclərinin 2025-ci ildə daha da artacağı və ÜDM-in 4,7%-nə çatacağı gözlənilir.
