Müştəri təcrübəsini daha da təkmilləşdirmək və maliyyə xidmətlərinə əlçatanlığı artırmaq məqsədilə “PAŞA Bank” yeni təşəbbüslərini davam etdirir.
Bank sahibkarlar üçün yeni kampaniyaya start verib. 30 iyun 2025-ci il tarixinədək davam edəcək kampaniya çərçivəsində, müştərilər “mPOS” terminalı üzərindən “Mastercard” kartları vasitəsilə qəbul etdikləri ödənişlər üçün heç bir komissiya ödəməyəcəklər. Bu təşəbbüs sahibkarların ödəniş proseslərini daha sərfəli və səmərəli şəkildə idarə etmələrini hədəfləyir. Kampaniya bankın həm cari, həm də “mPOS” sifariş edən yeni müştərilərinə şamil olunur.
“mPOS” sifariş etmək və kampaniyadan yararlanmaq üçün linkə keçid edin.
Qeyd edək ki, “mPOS” məhsulu “Android” əməliyyat sistemli smartfonları POS-terminala çevirərək sahibkarlara nağdsız ödənişləri asanlıqla qəbul etmək imkanı yaradır. Sahibkarlar depozit və dövriyyə tələbi olmadan “mPOS” məhsulundan istifadə edərək təmassız ödənişləri telefonları ilə qəbul edə bilərlər.
“PAŞA Bank” 2025-ci ildə real sektorun və biznesin dayanıqlı inkişafına verdiyi töhfələrə görə “International Investor” beynəlxalq nəşri tərəfindən “Azərbaycanın ən yaxşı bankı” elan edilib.
