Ölkənin bank və maliyyə nəzarəti sektorunda böyük təcrübəyə malik Rəşad Yusifov və Nurlan Babayev Ensis hüquq şirkətini təsis ediblər.
“Ensis” Hüquq şirkəti fiziki və hüquqi şəxslərə hüququn bütün sahələri üzrə hərtərəfli, effektiv və operativ hüquqi xidmətin göstərilməsi məqsədilə Azərbaycanda və xaricdə uzun müddətli təcrübəyə malik olan, peşəkar hüquqşünaslar tərəfindən təsis edilmişdir.
Rəşad Yusifov, 2006-2016-cı illərdə Azərbaycanın aparıcı bank və beynəlxalq maliyyə təşkilatlarında hüquq sahəsi üzrə müxtəlif vəzifələrdə, həmçinin Maliyyə Bazarlarına Nəzarət Palatasında problemli maliyyə subyektləri ilə iş sektorunun müdiri vəzifəsində çalışmışdır. Rəşad Yusifov, 2016-cı ildən etibarən ABŞ-da fəaliyyət göstərən vəkil bürosunda və Robert Half hüquq şirkətində çalışmağa davam etmişdir. Azərbaycan Respublikasının Vəkillər Kollegiyasının üzvüdür.
“Ensis” Hüquq Şirkətinin digər partnyoru olan Nurlan Babayev maliyyə və korporativ hüquq üzrə ixtisaslaşmış hüquqşunas - vəkil və pulların leqallaşdırılması və terrorçuluğun maliyyələşdirilməsinə qarşı mübarizə (PL/TMM) üzrə ekspertdir. Cənab Babayevin PL/TMM sahəsində 10 ildən artıq təcrübəsi vardır. Ədliyyə Nazirliyində, Mərkəzi Bank yanında Maliyyə Monitorinqi Xidmətində və Maliyyə Bazarlarına Nəzarət Palatasında çalışdığı dövrdə Avropa Şurasının MONEYVAL Komitəsində Azərbaycan Nümayəndə heyətinin üzvü olmuşdur və ölkəmizi bu təşkilatda təmsil etmişdir. Həmçinin 2012-ci ildən MONEYVAL komitəsinin sertifikatlı qiymətləndiricisidir. Eyni zamanda Nurlan Babayev 2012-ci ildən PL/TMM sahəsində sertifikatlaşdırmanı həyata keçirən nüfuzlu America expertlər assosiasiyası ACAMS-ın üzvüdür. Son olaraq Nurlan Babayev Maliyyə Bazarlarına Nəzarət palatasının Hüquqi təminat idarəsinin rəisi vəzifəsində çalışmış, hal-hazırda isə Azərbaycan Vəkillər Kollegiyasının üzvü olmaqla yanaşı “Ensis” Hüquq Şirkətinin partnyorudur.
Akademik Həsən Əliyev küçəsi 7c
Baku, Azerbaijan
ensis.az
Call (012) 409 47 08
