Müəllif: Gülnar Əhmədli, Banco.az
Ölkənin aktivlərinin həcminə görə ən böyük bankı olan Azərbaycan Beynəlxalq Bankı (ABB) cari ilin yanvar-sentyabr aylarını 250 milyon 865 min manat xalis mənfəətlə başa vurub. Bu, illik müqayisədə 40 milyon 952 min manat və ya 19,5% artım deməkdir.
Banco.az Bankın maliyyə göstəricilərinə istinadən xəbər verir ki, hesabat dövründə ABB-nin aktivlərinin həcmi 11 milyard 434 milyon 796 min manata bərabər olub.
Bankın kredit porfeli isə 4 milyard 488 milyon 984 min manat təşkil edib. Bu da 2023-cü ilin əvvəlinə nəzərən 958 milyon 402 min manat və ya 27,1% çoxdur.
Qeyd edək ki, ABB-nin depozit porfeli cari ilin 3-cü rübündə 8 milyard 262 milyon 161 min manat təşkil edib. Bunun da 2 milyard 59 milyon 77 min manatı fiziki şəxslərin depozitləri, 6 milyard 203 milyon 84 min manatı isə hüquqi şəxslərin depozitləri olub.
Bizi sosial şəbəkələrdən izləyin!!
