Müəllif: Tamara Mustafayeva, Banco.az
“Nike” yarandığı gündən bəri gizli saxladığı dizaynlarını nümayiş etdirəcək.
Banco.az xəbər verir ki, “Nike” Arxiv Departamentinin (DNT) yerləşdiyi gizli məkan bu yaxınlarda ilk dəfə olaraq ziyarətçilərin üzünə açılacaq.
Almaniyanın Reyn şəhərində yerləşən Vitra Dizayn Muzeyi “Nike: Form Follows Motion” sərgisinə ev sahibliyi etməyə hazırlaşır. Sərgi 21 sentyabr 2024-cü ildən 2025-ci ilin mayına qədər davam edəcək.
“Nike” markanın zəngin dizayn tarixinə diqqət çəkən sərgidə onilliklər boyu ərsəyə gəlmiş dizayn yeniliklərini nümayiş etdirmək üçün ziyarətçilərə 200 min nadir əsəri araşdırmaq imkanı təqdim edəcək. Sərgidə şirkətin 1964-cü ildən bu günə qədər təkamülü əks olunacaq.
Ziyarətçilər burada “Nike” loqosunun orijinal qaralamalarından tutmuş istehsala buraxılmamış prototiplərə qədər hər şeyi görə biləcəklər. Qlenn Adamsonun kuratorluğu ilə hazırlanan retrospektiv “Nike”nin idman və mədəniyyət dünyasını necə formalaşdırdığını ortaya qoyur.
Vitra Dizayn Muzeyinin direktoru Mateo Kries “Nike” arxivinin böyük bir xəzinə olduğunu dilə gətirib. Onun sözlərinə görə, sərgi vahid markanın obyektivindən dizayna diqqət yetirmək və dizaynın inkişaf prosesini əks etdirən füsunkar obyektləri nümayiş etdirmək üçün unikal imkan təqdim edir.
Bizi sosial şəbəkələrdən izləyin!!
