Azərbaycan neftinin qiyməti 66 dollara yaxınlaşdı.
İyunun 10-da London əmtəə birjasında keçirilmiş hərraclarda “Azeri Light” markalı Azərbaycan neftinin 1 barreli 65,95 dollara satılıb. Bu barədə Dövlət Neft Şirkətinin (SOCAR) Marketinq və İqtisadi Əməliyyatlar İdarəsi məlumat verib. Məlumata görə, bu, iyunun 9-da qeydə alınmış qiymətdən 0,69 dollar çoxdur. Xatırladaq ki, 2015-ci ilin dövlət büdcəsində neftin 1 barrelinin qiyməti 90 dollar götürülüb.
