Tamara Mustafayeva, Banco.az
Dünya bazarlarında neftin qiyməti ucuzlaşmaqda davam edir.
Banco.az xarici mətbuata istinadla xəbər verir ki, neft qiymətləri ABŞ prezidenti Co Baydenin strateji əhəmiyyətli xam neft ehtiyatlarının istifadəsinə razılıq verməsinə dair çağırışların artması fonunda ucuzlaşmağa davam edir. Bu əsnada OPEC-in neft hasilatı gündəlik 97 milyon 560 min barelə yüksəlib.
ABŞ xam neftinin (WTI) dekabr fyuçersi Nyu-York əmtəə birjasında (Nymex) 0,4% dəyər itirməklə hazırda bir bareli 80.47 dollara ticarət edilir.
Brent markalı neftin yanvar fyuçersi isə London əmtəə birjasında 0,4% ucuzlaşaraq bir bareli 81.87 dollara geriləyib.
Bizi sosial şəbəkələrdən izləyin!!
