Neft İxrac Edən Ölkələr Təşkilatına (OPEC) üzv ölkələrin neft ixracından əldə etdiyi gəlir 2018-ci ildə 2017-ci illə müqayisədə 32% artaraq 711 milyard dollara yüksəlib.
Sözügedən gəlirin artımasına xam neft qiymətlərinin yüksəlməsi təsir göstərib.
Dünya üzrə ən geniş istifadə edilən Brent növü neftin orta hesabla barrel qiyməti 2017-ci ildə 54 dolarkən, 2018-ci ildə bu rəqəm 31 faiz artımla 71 dollara yüksəlib. Bu dövrdə ABŞ-ın Qərbi Texas (WTI) tipli xam neftinin orta hesabla barrel qiyməti isə 51 dollardan 65 dollara çıxaraq 27 faiz artım qeyd edib.
Neft İxrac Edən Ölkələr Təşkilatına (OPEC) daxil olan 14 ölkənin ötən il neft ixracından əldə etdiyi ümumi gəlir bir əvvəlki illə müqayisədə 32 faiz artaraq 711 milyard dollara yüksəlib. Həmin məbləğ, 2017-ci ildə 538 milyard dollar olmuşdu.
Kartel üzvləri daxilində 2017-ci ildə ən çox neft ixrac gəliri tutan yeddinci ölkə olan Qətər, bu ilin əvvəlində OPEC-dən çıxdığı üçün 2018-ci il neft ixrac gəliri məlumatlarına daxil edilməyib. ABŞ sanksiyaları səbəbindən neft hasilatı və ixracatı iflasa uğrayan Venesuela isə OPEC üzvləri arasında ildən ilə neft ixrac gəlirində azalma görülən yeganə ölkədir.
OPEC-in neft ixracından əldə edəcəyi cəmi gəlirin bu il 604 milyard dollar olacağı təxmin edilir, bu miqdarın gələn il 580 milyard dollara düşəcəyi proqnozlaşdırılır.
SƏUDİYYƏ ƏRƏBİSTANI 1-Cİ YERDƏDİR
OPEC-in ən böyük istehsalçısı və dünyanın ən çox xam neft ixrac edən ölkəsi Səudiyyə Ərəbistanı, ötən il OPEC daxilində neft ixracından ən çox qazanan ölkə olub.
Səudiyyə Ərəbistanının 2017-də 172 milyard dollar olan neft ixrac gəliri, keçən il 38% artım göstərərək 237 milyard dollara çatıb.
Bundan başqa, ötən il Səudiyyə Ərəbistanın neft ixracından əldə etdiyi gəlirin OPEC-in ümumi ixrac gəlirlərinin içindəki payı 33% təşkil edib.
İRAQ İKİNCİ, BƏƏ ÜÇÜNCÜ YEDƏDİR
OPEC ölkələri arasında keçən il neft ixracından ən çox gəliri əldə edən ikinci ölkə isə İraq olub.
İraqın neft ixrac gəliri 2017-ci ildə 66 milyard dollar ikən, 2018-ci ildə bu rəqəm 38 faiz artaraq 91 milyard dollara yüksəlib.
Birləşmiş Ərəb Əmirlikləri (BƏƏ) isə bu sahədə OPEC daxilində üçüncü yerdədir. BƏƏ-nin neft ixrac gəliri 2017-də 56 milyard dollar ikən, 2018-də 32 faiz artımla 74 milyard dollara çatıb.
Marja
