Venesuelanın neft naziri, Neft İxrac Edən Ölkələr Təşkilatı (OPEC) Konfransının sədri Manuel Quevedo, gündəlik neft hasilatını azaltmaq qərarının daha 9 ay uzadıldığını açıqlayıb.
Xatırladaq ki, OPEC və OPEC-ə üzv olmayan bəzi ölkələr keçən ilin dekabr ayında neft hasilatını 2019-cu ilin İyun ayının sonunadək (6 ay) gündəlik 1,2 milyon azaltmaq barədə qərar vermişdilər.
Dünən Avstriyanın paytaxtı Vyanada keçirilən 176-cı OPEC Toplantısından sonra keçirilən birgə mətbuat konfransında açıqlama verən Quevedo, uzun, ancaq səmərəli görüşün baş tutduğunu deyib.
Quevedo, "Neft istehsalını azaltmaq qərarını 9 ay uzatmaq barədə qərar verdiyimizi məmnuniyyətlə açıqlamaq istəyirəm",- ifadəsini istifadə edib.
Neft hasilatının gündəlik 1,2 milyon azaldılması nəzərdə tutulur. Qərar 31 Mart 2020-ci ilə qədər etibarlı olacaq.
Quevedo, bu gün OPEC-ə üzv ölkələrlə keçiriləcək görüşdə əməkdaşlığın davam etdirilməsinə rəsmi qərar veriləcəyini dilə gətirib.
Xalid əl-Falih 9 ay uzatma qərarının OPEC üzvü olan bütün ölkələrin birgə qərarı olduğunu vurğulayaraq, OPEC-ə üzv olmayan ölkələrin də bu qərarı tətbiq edəcəyinə inamını bildirib.
Növbəti OPEC toplantısının 5 Dekabr 2019-da keçiriləcəyi qeyd edilib.
Neft qiymətlərində baş verən azalma səbəbindən OPEC və Azərbaycan daxil bəzi neft istehsal edən ölkələr ötən ilin dekabr ayında istehsalı azaltmaq qərarı vermişdilər.
Rusiya Prezidenti Vladimir Putin, G20 sammitində Rusiya və Səudiyyə Ərəbistanının, müqavilənin uzadılması barədə razılaşdıqlarını açıqlamışdı.
OPEC-in qərarından sonra neft qiymətləri kəskin dəyişməyib. Bakı vaxtı ilə saat 09:00-da Brent nefti 65,03 dollardan alıcı tapıb.
Marja
