Müəllif: Gülnar Əhmədli, Banco.az
Azərbaycan Dövlət Neft Fondunun (ARDNF) bu ilin yanvar-fevral aylarında "Azəri-Çıraq-Günəşli" (AÇG) yatağından əldə etdiyi gəlirləri 862 mln. ABŞ dolları, "Şahdəniz"dən (qaz və kondensat) əldə etdiyi gəlirlər isə 78,5 milyon ABŞ dolları təşkil edib.
Banco.az Fonda istinadən xəbər verir ki, AÇG-dən əldə edilən gəlirlər ötən ilin eyni dövrü ilə müqayisədə 462 milyon dollar və ya 34,9% azalıb.
Qeyd edək ki, 2023-cü ilin eyni dövründə Fondun AÇG-dən gəlirləri 1 milyard 324 mln. ABŞ dolları səviyyəsində olub.
Hesabat dövründə Şahdəniz yatağı üzrə kondensatın satışından əldə olunan gəlirlər 15,7 mln. ABŞ dolları olub.
Bizi sosial şəbəkələrdən izləyin!!
