NASA və Avropa Kosmik Agentliyi (ing. European Space Agency, ESA) könüllülər üzərində qeyri adi bir təcrübə keçirəcəklər. Könüllülər xüsusi çarpayı üzərində 2 ay ərzində horizontal vəziyyətdə keçirməli olacaqlar. Bu müddət ərzində, dietoloqlar tərəfindən hazırlanan xüsusi qida qəbulu da məhz bu vəziyyətdə baş verəcək. Qeyd edək ki, çarpayının səthi ayaqların, baş səviyyəsinə nisbətən daha hündürdə yerləşməsini təmin edir.

Keçirilən bu təcrübə sayəsində, alimlər çəkisizlik şəraitinin insan bədəninə necə təsir edəcəyini araşdıracaq.

Həmçinin oxu: Çinin Ayda əkdiyi pambıq toxumları cücərdi

NASA-nın keçirəcəyi bu təcrübədə yalnız 24-55 yaşlarında olan qadınlar iştirak edə biləcək. Belə ki, bundan əvvəl zərif cinsin nümayəndələri bu tip testlərə ümumiyyətlə cəlb edilməyiblər. Hər birinin iştirakı üçün 19 min dollar ödəniləcək.

Eksperiment sentyabr-noyabr aylarında Köln şəhəri aerokosmik mərkəzində keçiriləcək.

Günel Gözəlova, Banco.az