Son illərdə sosial media markalar üçün mühim bir marketinq vasitəsinə çevrilsə də, bu şəbəkələrdə hər hansı bir məlumat paylaşarkən çox diqqətli olmaq lazımdır. Çünki sosial media menecerinin istənilən diqqətsiz paylaşımı həmin markanın imicinin zədələnməsinə səbəb ola bilər. Bu vaxta qədər yaşanan belə hallarda bir çox markanın sosial media şəbəkələrində tənqidi rəylər aldığının şahidi olmuşuq. ABŞ – ın biznes jurnalı “Forbes” bəzi tanınmış markaların sosial mediada yol verdikləri səhvləri araşdırmış və aşağıdakı nəticələri əldə etmişdir.
Delta
Amerikanın hava yolu şirkəti “Delta” ABŞ və Qana arasında oynanılan Dünya Kuboku matçından qısa bir müddət sonra hər iki komandanı təbrik edən, bir zürafə və Azadlıq Heykəlinin olduğu iki şəkil paylaşdı. Lakin, bir problem vardı: Qanada zürafə yox idi. Həm ABŞ həm də Qana vətəndaşları bu paylaşımın necə cahilcə edildiyinə diqqət çəkdilər. Daha sonra “Delta” edilən bu səhvə görə üzr istədi.
J.P.Morgan
ABŞ-ın çoxmillətli investisiya bankı və maliyyə xidmətləri şirkəti olan J.P.Morgan #AskJPM (JPM-ə sual ver) şəklində izləyicilərindən sualları qəbul edərək uğurlu bir işə imza atmağı düşünürdü. Lakin, bununla bağlı böyük bir problem vardı: Dünya bazarlarını manipulyasiya etmək və cinayət araşdırmalarını nəticələndirməyə istiqamətlənmiş son ictimai yoxlama. İnsanlar, “J.P.Morgan” şirkətinin atacağı addımlar və izləyəcəyi yol ilə bağlı nəzakətli və anlayışlı suallar vermək əvəzinə, şirkəti sorğu-sual etməyə və gördükləri işləri tənqid etməyə başladılar. Bundan sonra #AskJPM trendlərə daxil oldu, ancaq “J.P.Morgan” ın düşündüyü kimi pozitiv ifadələrlə deyil.
The Home Depot
Ev dekorasiyası ləvazimatları satışı ilə məşğul olan ABŞ-ın “The Home Depot” pərakəndə şirkəti 2013-cü ildə iki Afroamerikalının (qara dərili amerika vətəndaşı) yanında gorilla kostyumu geyinmiş bir adam şəkli paylaşdı. Sosial media meneceri ehtimal ki, bunun sadəcə bir zarafat olduğunu düşünərək bu şəkli paylaşsa da, lakin şəkildə açıq-aydın irqçilik vurğusu vardı və istifadəçilər buna görə olduqca qəzəbləndilər və hətta insanların əsəblərinin sakitləşməsi həftələr çəkmişdi.
US Airways
Əsəbi bir müştəri “Twitter” vasitəsilə “US Airways” şirkətinə bir şikayət ünvanladı. Dərhal cavab verməyə çalışan sosial media meneceri isə daha əvvəl şirkətə tweet atılan uyğunsuz məzmunlu bir şəkli səhvən cavab olaraq göndərdi. Bu cavab tez bir zamanda silinsə də, bir çox istifadəçinin gözündən yayınmadı.
Microsoft
“Microsoft” şirkəti 2016-cı ilin mart ayında “Twitter” hesabı kimi fəaliyyət göstərməsi və insanlarla ünsiyyət qurması üçün “Tay” adını verdikləri süni intellekt söhbət düyməsini fəaliyyətə başlatdı. Tay insanlarla ünsiyyət quraraq sosial media şəbəkələrində aktiv olmağın necə edildiyini öyrənəcəkdi.
Çox təssüflər olsun ki, bəzi mənfi məqsədli istifadəçilər “Tay” ilə irqçi, cahil, hətta qəddar hala gəlməsi üçün onu aldadacaq tərzdə danışmağa başladılar. “Tay” sadəcə bir gün içində “Bir sədd çəkəcəyik və Meksika bunun əvəzini ödəyəcək.” şəklində tweet atmağa başladı. Nəticədə Microsoft proqramı ləğv etmək məcburiyyətində qaldı.
Tamara Mustafayeva, banco.az
