Müəllif: Tamara Mustafayeva, Banco.az
İsveçin “Autoliv” şirkəti 8 min işçini ixtisar etməyi planlaşdırır.
Banco.az xəbər verir ki, dünyanın aparıcı təhlükəsizlik kəmərləri və təhlükəsizlik yastıqları istehsalçısı olan İsveçin “Autoliv” şirkəti artan xərclər səbəbindən Avropada bir çox fabrikini bağlamaq və 8 minə yaxın işçisini ixtisar etmək qərarına gəlib.
Şirkətdən edilən açıqlamaya görə, xüsusilə Avropada xərcləri azaltmaq üçün 2025-ci ilə qədər 8 min personalın işdən çıxarılacağı bildirilib.
Həmçinin qeyd olunub ki, sözügedən ixtisarlar isveçli şirkətin işçi qüvvəsinin 11 faizinə təsadüf edir.
Xatırladaq ki, “Autoliv”in 27 ölkədə təxminən 70 min əməkdaşı var. Şirkətin 2022-ci ildə satışları 8,8 milyard dollar olaraq qeydə alınıb.
Bizi sosial şəbəkələrdən izləyin!!
