Müəllif: Tamara Mustafayeva, Banco.az
İsveç Mərkəzi Bankı proqnozlara uyğun olaraq uçot dərəcəsini 25 baza bəndi azaldıb.
Banco.az xəbər verir ki, İsveç Mərkəzi Bankı uçot dərəcəsinin yumşaldılması prosesini davam etdirir.
Mərkəzi bank uçot dərəcəsini 25 baza bəndi azaldaraq 3,50 faizə endirib. "Bloomberg" nəşrinin sorğusunda iştirak edən iqtisadçıların proqnozu da faiz dərəcəsinin bu səviyyəyə endirilməsi istiqamətində idi.
Xatırladaq ki, bank may ayında faiz dərəcəsini 4 faizdən 3,75 faizə endirmişdi.
İsveç Mərkəzi Bankı son qərarı ilə faiz dərəcələrini azaltmağa davam edərkən, ilin qalan hissəsində iki və ya üç faiz endirimi ola biləcəyinə işarə edib. Əvvəlki təlimatda maksimum iki faiz endirimi proqnozlaşdırılırdı.
Qeyd edək ki, İsveç iqtisadiyyatı bir çox Avropa ölkələrinə nisbətən pul siyasətindəki dəyişikliklərə daha həssasdır, çünki ipoteka faizləri nisbətən qısa müddətlər üçün müəyyən edilir.
Bizi sosial şəbəkələrdən izləyin!!
