Tamara Mustafayeva, Banco.az
İqtisadi Əməkdaşlıq və İnkişaf Təşkilatı (İƏİT) Türkiyənin 2022-ci il üçün artım proqnozunu yuxarı çəkərkən, 2023-cü il proqnozunu 3 faiz olaraq saxlayıb.
Banco.az türk mətbuatına istinadla xəbər verir ki, İƏİT bugün dərc etdiyi "İqtisadi Görünüş" hesabatında Türkiyənin 2022-ci il üçün artım proqnozunu 3,7 faizdən 5,4 faizə yüksəldib, 2023-cü il proqnozunu 3 faiz olaraq saxlayıb.
Qurum 2023-cü il üçün qlobal artım proqnozunu isə 2,8 faizdən 2,2 faizə endirib.
Qeyd edək ki, bir çox G-20 ölkələrinin 2023-cü il üzrə artım proqnozları aşağı salınıb. İndoneziya isə artım proqnozu yuxarı çəkilən yeganə G-20 ölkəsi olub.
Bizi sosial şəbəkələrdən izləyin!!
