Tamara Mustafayeva, Banco.az
iPhone istehsalçısı Foxconn şirkəti avtomobil markası Stellantis ilə əməkdaşlığa başlayıb.
Banco.az xarici mətbuata istinadla bildirir ki, texnologiya və avtomobil nəhəngləri arasında növbəti mühüm razılaşma imzalanıb. Belə ki, Apple firmasının iPhone modellərini istehsal edən Foxconn şirkətinin əsas şəriki olan Hon Hai Precision ilə Jeep istehsalçısı Stellantis NV yeni strateji əməkdaşlıqlarını elan edəcəklərinə dair açıqlama ediblər.
Foxconn Technology şirkətinin CEO-su Young Liu və Stellantis CEO-su Carlos Tavares məsələ ilə bağlı bu yaxınlarda tele-konfrans həyata keçirəcəklər.
Sözügedən razılaşmanın dünyanın ən böyük avtomobil bazarına ev sahibliyi edən Çində hazırda mövqeyi zəif olan Stellantis şirkətinin vəziyyətini gücləndirəcəyi qeyd edilir.
Xatırladaq ki, Hon Hai Precision şirkəti ötən il İtalyanın avtomobil istehsalçısı Fiat Chrysler ilə yeni nəsil elektrik avtomobilləri və internet əsaslı avtomobil modeli istehsalı üzrə əməkdaşlığa başladıqlarını elan etmişdi.
Bizi sosial şəbəkələrdən izləyin!!