Günümüzdə populyar olmağa davam edən və getdikcə istifadəsi artan inernet bankçılığı (internet banking) nədir və nə üçün lazımdır?

İnternet bankçılığı nədir?

Bu xidmət yuxarda da dediyimiz kimi gün keçdikcə maraq qazanan və olduqca aktiv formada istifadə olunan bir bankçılıq xidmətidir. Bu xidmətin müştərilər üçün faydaları heç də az deyil.

İnternet bankinq – Sizə banka getmədən, onlayn rejimində öz hesablarınızı idarə etmək və müxtəlif bank əməliyyatlarını həyata keçirmək imkanı verən bank xidmətidir.

İnternet bankçılığı həyatımızda daxil olduqdan sonra bir çox sahədə işlərimiz surətləndi. Məsələn, kommunal ödənişlər, xərclərin izlənilməsi və digər bir çox sahədə İnternet bankçılığını istifadə edərək, bankın filiallarına getmə dərdindən qurtulmuş olduq. Bütün bunlar üçün lazım olan yeganə şey isə İnternetdir.

İnternet bankçılığı nə üçün lazımdır?

İnternet bankçılığı cari hesab, kart, əmanət, kredit hesabı sahiblərinin internet vasitəsilə öz hesabları üzrə aparılan pul dövriyyələrinin izləməsinə, həmçinin online ödənişlər etməyə, ödənişlərin tarixçəsini görməyə, kartdan karta pul köçürməsini etməyə, əmanət məbləğini artırmaya, bank daxili və xarici pul köçürmələrə imkan verən proqram təminatıdır.

Bu proqram vasitəsi ilə Siz, günün istənilən saatı banka gəlmədən birbaşa internet vasitəsi ilə öz hesablarınız üzrə aparılan dövriyyələr barədə məlumat əldə edə və müxtəlif əməliyyatlar icra edə bilərsiniz. 

Siz 24/7, 365 gün idarə edə bank hesablarınızı, kartlarınızı, əmanətlərinizi, kreditlərinizi idarə edə, pul köçürmələri və digər əməliyyatlar da edə bilərsiniz. 

Bu xidmət vasitəsilə siz, 

• Hesab qalıqlarını nəzərdən keçirə,
• Hesab üzrə çıxarışları çap edə,
• Hesab üzrə çıxarışları elektron poçt ünvanına göndərə,
• Bankda olan şəxsi hesablar arasında köçürmələr edə,
• Bankın digər müştərilərinin hesablarına köçürmələr edə,
• Nağdsız konvertasiya əməliyyatları edə,
• Əmanət növlərini, şərtlərini və faiz dərəcələrini izləyə,
• Əmanət hesabları aça,
• Ölkə daxilində digər banklara milli valyutada köçürmələr edə,
• Xidmət haqlarını ödəyə,
• Kredit kartı üzrə borcları izləyə və ödəyə,
• Şəxsi məlumatları izləyə və s. bilərsiniz.

İnternet bankçılığı xidmətinə necə qoşulmaq olar?

Sistemə qoşulmağın bir neçə üsulu vardır və bu bankdan asılı olaraq dəyişə bilər. Siz qoşulmaq  üçün banka yaxınlaşa, çağrı mərkəzinə müraciət edə və ya bankomatdan istifadə edə bilərsiniz. Hər üç üsulda da sistemə daxil olmaq üçün sizə müştəri İD-i və parol veriləcəkdir.

QEYD: Siz internet bankçılığı xidmətindən iki cür istifadə edə bilərsiniz: kart hesabı və cari hesab vasitəsilə. Kart hesabı üzrə internet bankçılıq xidmətində siz sadəcə kart əməliyyatlarına, cari hesab üzrə isə ümumi hesablarınıza nəzarət edə bilərsiniz. 

Aşağıdakı cədvəldə bankların internet bankçılıq xidməti tarifləri ilə tanış ola bilərsiniz. 

Bankların adına daxil olmaqla daha ətraflı məlumat ala bilərsiniz.

1. AccessBank-da ilk 3 ay ərzində xidmətin tam versiyasından tamamilə pulsuz istifadə edə bilərsiniz. Üç ay sonra istifadəni davam etdirmək istəsəniz ödəniş etməli olacaqsınız. Cədvəldə 1 illik xidmət haqqı göstərilmişdir. 
2. Bank of Baku-da hüquqi şəxslər üçün internet bankçılığın tam versiyasından 31.12.16 tarixinə kimi pulsuz yararlana bilərsiniz.
3. Nikoil Bank-da ilk 6 ay ərzində xidmətin tam versiyasından tamamilə pulsuz istifadə edə bilərsiniz. Altı ay sonra istifadəni davam etdirmək istəsəniz ödəniş etməli olacaqsınız. Cədvəldə 1 illik xidmət haqqı göstərilmişdir.