İnternetdə tez-tez rastlaşa biləcəyiniz 17 populyar ingiliscə qısaltmanın açılışı
Gündəlik həyatda, internet mühitində və kompüter oyunlarında tez-tez ingiliscə qısaltmalardan istifadə olunur. Hər hansı bir kəlmə, söz birləşməsi və cümlə belə qısaldılmış formada, bir neçə hərf ilə ifadə olunur.
Bu yazıda isə qarşılaşma ehtimalınız daha yüksək olan, ən populyar 17 abreviaturanı diqqətinizə təqdim edirik.
1) LOL (laugh out loud): “yüksək səs ilə gülmək”
2) ASAP (as soon as possible): “mümkün olduğu qədər tez”
3) GR8: Tələffüz olaraq, yəni oxunuş qaydasında baxsanız “əla” mənasını verən “great” kəlməsinə bənzəyir. (4ever: forever nümunəsi kimi)
4) ROFL (rolling on the floor laughing): “gülməkdən yerə yıxılmaq”
5) BTW (by the way): “yeri gəlmişkən”
6) GTG / G2G (Got To Go): “getməliyəm”
7) TTYL (Talk To You Later): “daha sonra danışarıq”
8) BRB (be right back): “dərhal qayıdıram”
9) ASL? (age, sex, location?): “yaş, cinsiyyət, məkan?”
10) FYI (for your information): “Məlumatınız olsun ki” mənasını verən bu qısaltma iş ilə bağlı elektron yazışmalarda və məktublarda daha çox istifadə olunur.
11) YW (you are welcome): “buyurun; xoşdur”
12) AKA (Also Known As): Psevdonim, ləqəb, təxəllüs, nickname-ləri təqdim etmək üçün istifadə olunur, xüsusən də müsiqi dünyasında. “…. kimi tanınan”
13) XOXO (Hugs And Kisses): “Öpürəm və qucaqlayıram”
14) TBT (Throwback Thursday): Xüsusilə Instagramda #tbt şəklində gördüyümüz bu qısaltma “heyif deyil, keçmiş günlər” mənasında işlənir.
15) TBH (to be honest): “sözün düzünə qalsa; dürüst olsaq”
16) AFK (away from the keyboard): “Klaviaturadan uzaqda olmaq” mənasında işlənən və kompüter arxasında olmadığınızı ifadə edən qısaltma.
17) DIY (do it yourself): “özün et” mənasında işlənir.
Həmçinin oxu: İngilis dilini təkmilləşdirmək istəyənlər üçün 5 internet kanalı
1lady.az
Bizi sosial şəbəkələrdən izləyin!!
