Müəllif - Eldar Kərimov/Banco.az
Honda Motor Co. 2024-cü maliyyə ilinin üçüncü rübündə (oktyabr-dekabr) əməliyyat mənfəətini 4,6% artıraraq 397,3 milyard yenə (2,58 milyard dollar) çatdırıb. Bu artım əsasən yenin zəifləməsi və motosiklet istehsalı bölməsinin uğurlu nəticələri hesabına baş verib.
Buna baxmayaraq, göstərici LSEG analitiklərinin orta proqnozu olan 403,7 milyard yendən aşağı olub.
Şirkətin gəliri 2,6% artaraq 5,531 trilyon yenə çatıb (ekspertlər 5,379 trilyon yen proqnozlaşdırırdılar).
- Motosiklet istehsalı bölməsinin gəliri 14,1% artaraq 896 milyard yenə yüksəlib.
- Avtomobil bölməsinin gəliri 0,4% azalaraq 3,7 trilyon yenə düşüb.
Honda-nın Yaponiya bazarındakı gəliri 8% azalaraq 1,46 trilyon yen olub. Şimali Amerikada isə satışlar 5,7% artaraq 3,37 trilyon yenə yüksəlib.
Avtomobil və motosiklet satışları:
- Honda 2,817 milyon avtomobil satıb (9,5% azalma).
- 15,508 milyon motosiklet satıb (11,1% artım).
Şirkət mart 2025-də başa çatacaq cari maliyyə ili üçün əməliyyat mənfəəti proqnozunu 1,42 trilyon yen səviyyəsində təsdiqləyib (illik 2,8% artım).
- Avtomobil satış proqnozu 3,8 milyondan 3,75 milyona endirilib, əsasən Yaponiya bazarındakı zəifləmə səbəbindən.
- Motosiklet satış proqnozu isə 20,2 milyondan 20,6 milyona qaldırılıb.
Honda illik gəlirini 5,7% artıraraq 21,6 trilyon yenə çatdıracağını gözləyir.
Son üç ayda Honda-nın bazar dəyəri 8,4% artaraq 6,77 trilyon yenə yüksəlib. Eyni dövrdə Nikkei 225 indeksi 2,4% artıb.
