Adından da göründüyü kimi hiperinflyasiya inflyasiyanınyüksək həddi olub idarə edilməsi olduqca çətin olan formasıdır. Məhsul və xidmətlərin qiymət səviyyəsinin ümumi artımı ilə xarakterizə olunur ki, bu artım da 50%-dən çoxdur.
Pul dəyərsizləşir və nəticədə, valyuta tənəzzülünə və müxtəlif iqtisadi və sosial problemlərə səbəb olur.
Hiperinflyasiya yarana bilər:
-pul təklifinin sürətlə artımı ilə;
-təbii fəlakətlər və müharibə səbəblərindən;
-digər iqtisadi faktorların təsiri ilə valyutanın sürətli tənəzzülü və s.
Hiperinflyasiyanın iqtisadiyyata mənfi təsirləri və fəsadları aşağıdakı kimi ola bilər:
- Valyutanın tədricən qiymətdən düşməsi və bunun nəticəsində müxtəlif iqtisadi problemlər:
- İşsizliyin yüksək həddi;
- Yaşayış gözləntilərinin aşağı düşməsi. Yaşam gözləntiləri o dərəcədə aşağıdır ki, insanlar ərzaq tələbatlarını belə ödəməkdə çətinlik çəkirlər;
- Şiddətli ərzaq böhranı, ərzaq qıtlığının yaranması;
- Həyat şəraitinin düşməsi ilə xəstəlik və ölüm hallarının artması;
- Ölkəni tərketmə hallarının artması.
