Müəllif:Gülbəniz Hüseynli/Banco.az
Hazırda bazarlar ABŞ-da ilin ilk faiz qərarını gözləyir.
Banco.az xəbər verir ki, mütəxəssislərin fikirlərinə görə, ABŞ Federal Ehtiyat Sisteminin (FED) ilk faiz dərəcəsini endirməsi üçün mümkün tarix may və ya iyun ayları ola bilər.
Bu barədə Rabobank tanınmış strateqi “Philip Marey” bildirib ki, FED rəhbəri Ceremi Pauellin mətbuat konfransında əsas müzakirə mövzusu bazarın yenidən erkən faiz endirimi gözləntilərinə nə qədər müqavimət göstərəcəyi ola bilər. O hesab edir ki, FED-in ilk qərarı iyun ayında olacaq.
Bu qərara görə, hər rübdə 25 faiz bəndlik azalma davam edə bilər. Marey əlavə edib ki, 2023-cü ilin dördüncü rübündə iqtisadi impuls və işsizlik məlumatlarının aşağıya doğru yenidən nəzərdən keçirilməsi 2024-cü ilə qədər tənəzzül proqnozumuzu artıracaq.
FWD İstiqrazları üzrə baş iqtisadçı “Chris Rupkey” də dekabr ayında FED-in iclasında faiz endirimlərinin müzakirə edilmədiyini, ancaq yanvar toplantısında bu mövzunun mütləq aktual olacağını ifadə edib.
Əsas şəxsi istehlak xərclərinin artım sürətinin 2,9 faizə düşdüyünü xatırladan Rupkey qeyd edib ki, 2024-cü ilin may və iyun aylarında şəxsi istehlak xərcləri FED-ə ilk dəfə faiz endirimi şansı verəcək.
ING-nin baş iqtisadçısı Ceyms Naytli isə vurğulayıb ki, məşğulluq bazarının güclü artımı və sıxlığını nəzərə alaraq, mart ayı faiz dərəcələrinin aşağı salınması üçün çox tez ola bilər.
Bu səbəbdən də FED rəsmilərinin yaxın gələcəkdə faiz endirimi ehtimalını aşağı salan şərhlərinin sürpriz olmadığını bildirən Naytli qeyd edib ki, iclası may ayında baş tuta bilər.
İqtisadçı Elman Sadıqov Banco.az-a bildirdi ki, yanvarın 31-də baş tutacaq iclasda uçot dərəcəsinin müzakirəsi edilməyəcək.
Ekspert qeyd etdi ki, bu barədə FED-in mart ayında keçiriləcək iclasında müzakirə aparılacaq.
Bizi sosial şəbəkələrdən izləyin!!
