Bu araşdırmamızda bankların kartdakı qalıq məbləğə depozit faizi hesablayan debet kartları ilə ətraflı tanış olacağıq. Kartın faiz gəliri və ya depozit faizi dedikdə, kartda olan məbləğin müəyyən faizinin həmin məbləğin üzərinə əlavə olunmasıdır. Araşdırma kartların depozit faizləri ilə yanaşı, onların kəşbək faizləri, partnyorları, qiymətlərini və s. əhatə edir. Kəşbək isə xərclədiyiniz pulun bir hissəsinin balansınıza qayıtması prosesidir. Debet və ya kredit kartları ilə alış-veriş edərkən xərclənən məbləğin bir hissəsi və ya müəyyən faizi karta geri qayıdır. Bəzi banklarda isə ayrıca bonus şəklində toplanır. Həmin bonusları hər hansı məhsul və ya xidmətə dəyişmək olur. Kəşbək xərclədickə qazandırır, depozit faizi pulun isə kartda qaldığı halda qazandırır. 

Araşdırmada həm sadə, həm də premium kartlar yer alıb. Məqalədə yalnız depozit faizi olan debet kartlar qeyd olunub.

Öncə kartdakı qalığa görə faiz verən kartların siyahısını gözdən keçirək. Siyahı çoxdan aza doğru sıralanıb. Faizlər 2-7% arasında dəyişir. Siyahıya Yelo Bank birincilik edir. Lakin bundan əlavə bu faiz daha da artma imkanı vardır. Yelo Light kartında ay ərzində minimum 300 AZN onlayn və POS terminallar vasitəsilə alış-veriş etdikdə, Yelo Premium kartında isə aylıq ən azı 700 AZN məbləğində alış-veriş etdikdə depozit faizləri artır.

Depozit faizlərinin hesablanması üçün bəzən minimum və ya maksimum məbləğ və yaxud da hər ikisi tələb olunur. Yelo Bank və AccessBankda isə faiz hesablanması üçün heç bir əlavə tələb yoxdur. 

Depozit faizlərindən əlavə, kart sahibləri bu kartların kəşbək imkanlarından faydalana bilər. Bu kəşbəklər bankların mağazalarla əməkdaşlıq etməsindən asılı olaraq dəyişir. Partnyor mağazalarda digərlərinə nisbətən daha çox kəşbəklər hesablanır. 

İndi isə partnyor olmayan mağazalarda kəşbək faizləri ilə tanış olaq. Kəşbək faizləri 0,3-10% arasında dəyişir. Yelo Bankda depozit faizlərində olduğu kimi, Yelo Light kartında ay ərzində minimum 300 AZN,  Yelo Premium kartında isə aylıq ən azı 700 AZN məbləğində onlayn və POS terminallar vasitəsilə alış-veriş etdikdə kəşbək faizləri də artır.

Bankların əməkdaşlıq etdiyi mağazalarla isə aşağıdakı cədvəldən tanış ola bilərsiniz. Cədvəldə bankların qarşısında qeyd olunan linkə daxil olaraq həmin mağazalar və onların kəşbək faizləri barədə məlumat əldə edə bilərsiniz.

İndi isə həmin kartların qiymətləri ilə yaxından tanış olaq. Kartların müddəti 1-5 il arasında dəyişir. Bu siyahıda yalnız 3 illik kartlar qeyd olunub. Bəzi banklarda 3 illik deyil, yalnız 5 illik kart olduğundan həmin kartların qiyməti qeyd olunub.

Kartların qiymətləri ilə tanış olduq. Lakin bu kartları pulsuz da əldə etmək mümkündür. Bunun üçün kartı əldə edərkən bankın müəyyən etdiyi məbləğdə karta pul vəsaiti mədaxil etmək lazımdır. Bu Yelo Bankın kartında ilkin mədaxillə deyil, alış-verişin dövriyyəsinə görə müəyyən edilir. Yelo Light kartında ay ərzində 300 AZN, Yelo Premium kartında isə 700 AZN və ya ondan çox olduqda kartın qiyməti balansa geri qayıdır. Kart dövriyyəsinə ödəniş kartından vəsait məxaric etdikdə, kartdan karta köçürmə əməliyyatı, elektron cüzdanların balansına vəsaitin mədaxili (YanfexMoney və.s), kredit ödənişləri, Hökumət Ödəmə Portalı(HÖP) vasitəsilə həyata keçirilən online ödəmələr (kommunal xidmətlər, cərimələr, vergilər, gömrük rüsumları və.s) daxil deyil.

 Sonda isə bu kartları sifariş etmək üçün linklər yerləşdirilib. Kartları qeyd olunan linklərə daxil olaraq sifariş verə bilərsiniz.