Daşınmaz əmlakın alqı satqısı üzrə ixtisaslaşan Knight Frank konsaltinq şirkəti (ixtisaslaşma üzrə ən aparıcı şirkətlərdən biridir) 2015-ci il üzrə lyuks kateqoriyasına aid daşınmaz əmlak bazarına dair araşdırma dərc edib. Araşdırmada dünyanın ən bahalı lyuks daşınmaz əmlakları olan şəhərlərin reytinqi açıqlanıb. Reytinqə əsasən müəyyən etmək olar ki, 1 milyon ABŞ dollarına siz neçə kvadrat metr lyuks kateqoriyasına aid daşınmaz əmlak ala bilərsiniz. Məsələn, ən bahalı yer olan Monakoda siz 1 mln ABŞ dollarına 17 kv.m., Honq Konqda – 20 kv, Londonda isə 21 kv.m. lyuks əmlak ev ala bilərsiniz.
