Müəllif: Gülnar Əhmədli, Banco.az
Sahibkar dedikdə demək olar ki, hamının ağlına Ceff Bezos gəlir. Çünki o, internetin özü hələ yeni ikən ən böyük onlayn pərakəndə satış şirkətlərindən biri olan "Amazon"u qurub. Bezos həm də dünyanın ən zəngin insanlarından biri kimi tanınır.
Bu məqalədə Jeff Bezos haqqında maraqlı faktlardan danışacağıq.
1. Ceff Bezos 12 yanvar 1964-cü ildə anadan olub. Hazırda 59 yaşı var.
2. Ceff Bezos dünyaya gələndə anası Ceklin Gizin cəmi 16 yaşı, atası Ted Yorgensenin 18 yaşı var idi. Anası atası ilə yeddi aylıq evlilikdən sonra boşanıb. Ceff daha sonra anasının ikinci əri Migel Bezosun soyadını götürüb.
3. Ceff Bezos 16 yaşında "McDonald's"da işləməyə başlayıb. Bezos hesab edir ki, bu iş onu daha məsuliyyətli insan edib. Bu, həm də onun müştəri xidməti və işçilərin idarə edilməsinə olan marağını daha da artırıb.
4. Bezos fizika üzrə təhsil almaq üçün 1982-ci ildə Prinston Universitetinə daxil olub, lakin sonradan elektrik mühəndisliyi və kompüter elmlərinə keçid edib. O, 1986-cı ildə ən yüksək qiymətlərlə məzun olub.
5. "Amazon" 1994-cü ildə Ceff Bezos və onun keçmiş həyat yoldaşı Mak Kenzi Skott tərəfindən təsis edilib.
6. Bezos əvvəlcə öz e-ticarət şirkətini "Cadabra" adlandırmağı düşünürdü, lakin insanların bunu "cadavra" kimi başa düşə biləcəyini düşündüyü üçün bundan imtina edib.
7. "Amazon"dan əvvəl Jeff Bezos "MakeItSo" və "Relentless" kimi digər adları da nəzərdən keçirib, lakin o, adın "a" hərfi ilə başlasa, daha yaxşı görünəcəyinə qərar verib.
8. "Amazon"un ilk illərində Bezos qapıları masa kimi istifadə edirdi, çünki qapılar masalardan daha ucuz idi. Zamanla qapı masaları Amazonda simvola çevrilib.
9. Bezos müştəriləri ilə maraqlanır və hər bir rəyə çox ciddi yanaşır. "Amazon"un uğurunun bir səbəbi bu ola bilər.
10. 33 yaşında milyonçu, 35 yaşında isə milyarder olub.
11. O, 2003-cü ildə helikopter qəzasından sağ çıxıb.
12. 27 iyul 2017-ci il tarixində Ceff Bezos bir neçə saat ərzində Bill Qeytsi geridə qoyaraq dünyanın ən zəngin adamı olub.
13. 5 iyul 2021-ci ildə o, digər bizneslərinə daha çox diqqət yetirmək üçün "Amazon" şirkətinin baş direktoru vəzifəsindən gedib.
14. Ceff Bezosun boyu 1.71 sm-dir.
15. Bezosun uşaqlıq arzusu kosmosa getmək idi. O, bu arzusunu 20 iyul 2021-ci ildə öz kosmik şirkəti olan "Blue Origin" sayəsində reallaşdırıb.
16. "Amazon" hər il Jeff Bezosun təhlükəsizliyinə 1,6 milyon dollar xərcləyir.
17. Ceff Bezosun xalis sərvəti bir çox ölkənin ÜDM-indən çoxdur.
Bizi sosial şəbəkələrdən izləyin!!
