Dünyanın ən yaxşı 10 Universitetindən ÖDƏNİŞSİZ onlayn dərslər

Tamara Mustafayeva, Banco.az

Dünyaca məşhur universitetlərdə təhsil almaq olduqca çətindir. İstər təhsil haqqı, istər həmin ölkələrdə yaşayış standartları, istərsə də universitetlərin qəbul meyarları kifayət qədər mürəkkəbdir.

Lakin internetə çıxışınız varsa, heç bir ödəniş etmədən Oksforddan Harvarda qədər bir çox tanınmış universitetin onlayn dərslərinə qoşula bilərsiniz:

Dərslərə klikləyərək müvafiq internet saytlarına daxil ola bilərsiniz.

1. Oksford Universiteti

İngiltərədə ali təhsil müəssisələrinin reytinqini yayımlanan Times Higher Education jurnalının 2017-ci il üzrə siyahısında Oksford Universiteti ən yaxşı müəssisə seçilmişdi.

Universitetin mətn, video və audio formatında təqdim etdiyi dərslərdən bəziləri aşağıdakılardır:

Şekspiri anlamaq (ədəbiyyat)
Rəsm sənəti (sənətşunaslıq)
Bioetikaya giriş (fəlsəfə)
Biznes qurmaq (menecment)
Müasir dünyada demoqrafik meyillər və problemlər (sosiologiya)

2. Kembric Universiteti

Times Higher Education jurnalının 2017 buraxılışında ikinci pillədə qərarlaşan Kembric Universitetinin ödənişsiz onlayn dərsləri də olduqca müxtəlifdir:

Çin dilinə başlanğıc (xarici dillər)
Alman dilinə başlanğıc (xarici dillər)
Ərəb dilinin təməl bilgiləri (xarici dillər)
Marksizm (fəlsəfə)
İqlim dəyişikliyinə uyğunlaşmaq (ekologiya)

3 Kaliforniya Texnologiya İnstitutu (Caltech)

Amerikada “Caltech” adı ilə tanınan Kaliforniya Texnologiya İnstitutu özəl bir müəssisə, elm və texnologiya mərkəzidir.

Təhsil müəssisəsinin internet saytında “Bu təhil proqramlarının məqsədi gələcək nəsillərin elm adamlarına və mühəndislərinə necə fərqlənə biləcəklərini öyrətməkdir” deyə bir ifadə qeyd edilib.

Ödənişsiz onlayn dərslərdən bəziləri isə aşağıdakılardır:

Krioelektron mikroskopiyaya hazırlıq (biologiya)
Kainatın təkamülü (kosmik elm)
Günəş sistemi haqqında elm (kosmik elm)
Beyin və dərmanlar (biologiya)
Mexanikaya giriş (kompüter elmləri)

4. Stenford Universiteti

Apple şirkətinin qurucusu Stv Cobsun məzun ola bilmədən ayrıldığı Stenford Universitetində 2011 – ci ildəki məşhur nitqi ilə təhsil müəssisəsinin populyarlığını daha da artdı.

Universitet tərəfindən təklif edilən onlayn dərslərin bəziləri ilə tanış olaq:

Kriptoqrafiyaya giriş (kompüter elmləri)
Gender prizmasında sağlamlıq (tibb)
Psixoloq kimi düşünmək (tibb)
Rəqəmsal fotoqrafiya (sənət və cəmiyyət)
Alqoritmlər (kompüter elmləri)

5. Massaçüsets Texnologiya İnstitutu

Texnologiya elmi sahəsində hər il adını daha çox eşitdiyimiz Massaçüsets Texnologiya İnstitutu siyasi elmlərdən sənət sahələrinə qədər bir çox mövzuda onlayn formada ödənişsiz dərslər təqdim edir:

Elektromaqnit sahəsi (nüvə elmləri)
Hüquq və cəmiyyət (siyasi elmlər)
İş həyatında qərar verənlər üçün iqtisadi təhlillər (iqtisadiyyat)
Planlaşdırma, ünsiyyət və rəqəmsal media (urbanizasiya)

6. Harvard Universiteti

Ən sərfəli kredit üçün müraciət et

Amerikanın Kembric şəhərində yerləşən Harvard Universiteti isə aşağıdakı dərsləri təklif edir:

Dünya ədəbiyyatında antik əsərlər (ədəbiyyat)
Münaqişə və fəlakətlərə insanların reaksiyası (sosiologiya)
Aşpazlıq elmi (elm)
Yaponiyanı xəyal etmək (1850-1930): Qərbləşdirmə, üsyan, müasirlik (tarix)
Memarlıqda xəyal gücü (memarlıq)

7. Prinston Universiteti

Nyu-Cersi ştatının Prinston şəhərində yerləşən universitet Amerikanın dördüncü ən qədim universitetidir. Times siyasına görə isə dünyanın ən yaxşı yeddinci ali təhsil müəssisəsidir.