Müəllif: Tamara Mustafayeva, Banco.az
Dünyanın ən varlı 500 insanı bir gündə sərvətlərinə 336 milyard dollar əlavə edib.
Banco.az xəbər verir ki, Blumberq Milyarderlər İndeksinə görə, dünyanın ən varlı 500 adamı Nyu-York Fond Birjasında ticarətin bağlanışında sərvətlərinə 336 milyard dollar əlavə edib.
İyunun 15-də qeydə alınan bu göstərici bir gün ərzində müşahidə olunan ən böyük artım olub. Bu yüksəliş nəticəsində sözügedən qrupun ümumi xalis sərvəti rekord həddə çataraq 13,3 trilyon dollar təşkil edib.
Dünyanın ilk trilyonçusu olan İlon Mask xalis sərvətini 10 faizdən çox artıraraq 1,27 trilyon dollara yüksəldib və siyahıdakı liderliyini daha da möhkəmləndirib. Siyahının son sırasında yer alan və dünyanın ən varlı şəxsləri arasında ən aşağı sərvətə malik olan 12-ci şəxsin sərvəti isə 7,9 milyard dollar olub. Bu göstərici indeksə daxil olmaq üçün indiyədək müəyyən edilmiş ən yüksək hədd kimi qeydə alınıb.
ABŞ ilə İranın Hörmüz boğazının yenidən açılması məqsədilə müvəqqəti razılıq əldə etməsindən sonra bazar ertəsi maliyyə bazarlarında müsbət əhvali-ruhiyyə müşahidə olunub. “SpaceX” birjada böyük uğurla debüt edib. Bu nikbinlik fonunda “Dow Jones Industrial Average” rekord səviyyəyə yüksəlib, “Nasdaq-100” və “MSCI World Index” isə günü tarixi maksimumlarına yaxın səviyyədə başa vurub.
Bizi sosial şəbəkələrdən izləyin!!
