Müəllif:Mehin Qasımova/Banco.az
Disney haqsız ödəniş iddialarına görə 43,3 milyon dollar ödəyəcək.
Banco.az xəbər verir ki, Disney sistematik olaraq orta rəhbər vəzifələrdə olan qadınlara oxşar vəzifələrdəki kişilərdən daha az maaş verdiyi iddialarını həll etmək üçün 43,3 milyon dollar ödəyəcək.
Bu qərar, 2019-cu ildə şirkətdə çalışan məhsul meneceri LaRonda Rasmussenin Disney-ə qarşı iddiası ilə başlayan hüquqi mübahisəyə son qoyacaq.
İddiaya görə, Disney təxminən on il müddətində qadın orta menecerlərə oxşar təcrübə və bacarıqlara malik kişi həmkarlarından ən azı 151 milyon dollar az pul ödəyib.
Disney iddiaları rədd edir və barışıq sazişində bunları qəbul etmir.
“Biz hər zaman işçilərimizə ədalətli maaş verməyə sadiq olmuşuq”,- deyə şirkət qeyd edib.
Çərşənbə axşamı Disney səhmləri 0,2% ucuzlaşıb. Bu ilin əvvəlindən şirkətin dəyəri 28,5% artıb.
