Əgər aylıq gəliriniz ən azı 100 AZN-dırsə Siz bu kartı əldə edə bilərsiniz.

Bu dəfə isə Sizi daha bir taksit kart ilə tanış etmək istərdik. DəmirTaksit  Azərbaycan plastik kart bazarına 2014-cü ilin iyul ayında daxil olmuşdur, lakin qısa müddətdə təklif etdiyi sərfəli şərtlər ilə istifadəçilərin diqqətini cəlb edə bilmişdir.

DəmirTaksit nədir?

Kartdan Azərbaycanda və eləcə də dünyanın 200-ə qədər ölkəsində fəaliyyət göstərən ticarət və xidmət mərkəzlərində, bankomatlarda, həmçinin İnternetdə mal və xidmətin dəyərini ödəmək məqsədi istifadə etmək mümkündür.

Xərclənən məbləğ avtomatik olaraq 1, 3, 6 və ya 12 aya bölünür və aylıq ödəniləcək məbləğ müəyyən edilir.

DəmirTaksit-in imkanları və üstünlükləri:

• Heç bir məhdudiyyət olmadan ölkə daxilində və xaricdə istifadə etmək imkanı;
• İnternet vasitəsilə onlayn ödənişlər həyata keçirmək imkanı;
• Kart üzrə ödənilən məbləği 1, 3, 6 və 12 aya bölərək hissələrlə ödəmək imkanı;
• Sadələşdirilmiş və avtomatlaşdırılmış bölgü sxemi;
• Kart əldə etmək üçün müştəridən minimal aylıq gəlir tələbi;

Əgər aylıq gəliriniz ən azı 100 AZN-dirsə Siz bu kartı əldə edə bilərsiniz.

DəmirTaksit-i əldə etmək üçün minimum aylıq xalis gəlir:

• Minimum 100 AZN

DəmirTaksit kartını indi sifariş et!

DəmirTaksit-ə verilən kredit limit məbləğləri:

• 300 AZN 
• 800 AZN 
• 1300 AZN
• 2000 AZN

DəmirTaksit üzrə bölgü və hesablanan faizlər:

İstənilən ticarət və xidmət mərkəzlərində, İnternetdə, həmçinin bankomatlarda kartdan istifadə edilən gündən etibarən və son borc qalığından asılı olaraq kredit müddəti aşağıdakı qaydada təyin olunur:

Ödəniləcək məbləğin hesablanması:

Misal 1.

Əgər müştəri 290 AZN xərcləyibsə, bu məbləğ 201 – 300 AZN aralığına düşür və hesablanmış komissiya (9,5% - 27,55 AZN) ilə birlikdə toplanaraq 6 aya bölünür. Nəticədə aylıq ödəniş (290+27,55)/6 = 52,92 AZN-ə bərabər olur.

Misal 2.

Əgər müştəri 90 AZN xərcləyibsə, bu məbləğ 0 – 100 AZN aralığına düşür və hesablanmış komissiya (3% - 2,7 AZN) ilə birlikdə toplanaraq 1 aya bölünür. Nəticədə 92,7 AZN qalıq borc əmələ gəlir. Əgər müştəri yenidən 30 AZN xərcləyərsə, ümumi borc (92,7+30=122.7 AZN) yeni aralığa (101 – 200 AZN) düşür və son xərclənən məbləğ (30 AZN) hesablanmış komissiya ilə birlikdə (5,5 % - 1,65 AZN) həmin aralığa uyğun 3 aya bölünür.

Misal 3.

Əgər müştəri 160 AZN xərcləyibsə, bu məbləğ yuxarıda göstərildiyi qaydada 101 – 200 AZN aralığına düşür və hesablanmış komissiya (5,5% - 8,8 AZN) ilə birlikdə toplanaraq 3 aya bölünür, nəticədə 168,8 AZN qalıq borc əmələ gəlir. Əgər müştəri yenidən 50 AZN xərcləyərsə, ümumi borc (168,8+50=218,8 AZN) yeni aralığa (201 – 300 AZN) düşür və son xərclənən məbləğ (50 AZN) hesablanmış komissiya ilə (9,5 % - 4,75 AZN) birlikdə toplanaraq həmin aralığa uyğun 6 aya bölünür.

Misal 4.

Əgər müştəri 270 AZN xərcləyibsə, bu məbləğ 201 – 300 AZN aralığına düşür və hesablanmış komissiya ilə (9,5% - 25,65 AZN) birlikdə toplanaraq 6 aya bölünür. Nəticədə 295,65 AZN qalıq borc əmələ gəlir. Əgər müştəri yenidən 140 AZN  xərcləyərsə, ümumi borc (295,65+140=435,65 AZN) yeni aralığa (301 və >) düşür və son xərclənən məbləğ (140 AZN) hesablanmış komissiyalarla (19% - 26,6 AZN) birlikdə toplanaraq həmin aralığa uyğun 12 aya bölünür. 

Qeyd: Bankomatlarda nağd pul çıxaran zaman Bankın mövcud tariflərinə əsasən çıxarılan məbləğə komissiya əlavə olunur.