Müəllif: Tamara Mustafayeva, Banco.az
Çin bankların kapitalına 55 milyard dollar əlavə dəstək planlaşdırır.
Banco.az xəbər verir ki, mövzuya yaxın mənbələrə görə, Çin ötən il çətinlik çəkən iqtisadiyyatı dəstəkləmək üçün açıqlanan genişmiqyaslı stimullaşdırıcı paketdən sonra qarşıdakı aylarda ən böyük bankalarından bir neçəsinin kapitalını gücləndirməyi planlaşdırır.
Rəsmilər China Agricultural Bank Ltd. və Postal Savings Bank Co. da daxil olmaqla, aparıcı banklar qrupuna ən azı 400 milyard yuan (55 milyard dollar) həcmində yeni kapital yatırmağı düşünürlər. İyun ayının sonuna qədər tamamlanması mümkün olan planın dəyişikliklərə məruz qala biləcəyi və hər bir banka ayrılacaq məbləğin hələ dəqiq müəyyənləşdirilmədiyi bildirilir.
Çinin bankçılıq tənzimləyicisi sentyabr ayında altı böyük dövlət bankında əsas tier 1 kapitalını yeniləmə planını ilk dəfə elan etmiş, lakin detalları açıqlamamışdı. Daha sonra Maliyyə Nazirliyi bu kapital yatırımlarını maliyyələşdirmək üçün xüsusi suveren istiqrazlar buraxacağını elan etmiş və bununla da bankların risklərə qarşı dayanıqlığını artırmaq və kreditverməni təşviq etmək qabiliyyətinin gücləndirilməsinin hədəfləndiyini bildirmişdi.
Bizi sosial şəbəkələrdən izləyin!!
