Tamara Mustafayeva, Banco.az
1990-cı illərdən bəri iqtisadi artım tempi yaşayan Çinin yaxın illərdə dünyanın ən böyük iqtisadiyyatına sahib ölkəsi ABŞ-ı geridə qoyacağı düşünülür.
Dünya İqtisadi Forumu Dünya Bankı, Beynəlxalq Valyuta Fondu və Statista göstəricilərinə əsasən belə bir analiz irəli sürüb. 1992-ci ildən etibarən ölkələrin iqtisadi sferada əldə etdikləri nailiyyətlərin dəyərləndirildiyi bu analizə görə, Çinin 2024-cü ilə qədər ABŞ iqtisadiyyatını üstələməsi proqnozlaşdırılır.
Çin hazırda dünyanı təsiri altına alan koronavirus pandemiyasının başlanğıc nöqtəsi olmasına baxmayaraq, pandemiyanı asanlıqla nəzarət altına almağa müvəffəq oldu. Bununla da sarsılan ölkə iqtisadiyyatına da dərhal müdaxilə etməyi bacardı. Odur ki, ilin ikinci rübü üzrə ümumi milli məhsul göstəricisi 3.2% ilə proqnozları üstələyə bildi.
Sözügedən analizin hesabatında həmçinin son otuz il ərzində Hindistan və İndoneziyanın da müsbət saldo göstərərək dünyanın ən yaxşı 10 iqtisadiyyatına sahib ölkəsindən ikisi olduğu qeyd edilib.
Mənbə: Statista
Bu hesabata görə, 2024-cü ildə Çin ABŞ-ı geridə qoyaraq dünyanın ən böyük iqtisadiyyatına sahib ölkəsi olacaq.
İlk onluq isə aşağıdakı kimi proqnozlaşdırılır.
- Çin
- ABŞ
- Hindistan
- Yaponiya
- İndoneziya
- Rusiya
- Almaniya
- Braziliya
- İngiltərə
- Fransa
Həmçinin oxu: Bir milyon dollar qazanmaq üçün nə qədər vaxt lazımdır?
Bizi sosial şəbəkələrdən izləyin!!
