"Caspian Development Bank" ASC ("CDB Bank") Əmanətlərin Sığortalanması Fondunun üzv banklarının reyestrindən çıxarılıb.

Fonddan verilən məlumata görə, banka verilən şəhadətnamə ləğv edilib.

"04 fevral 2015-ci il tarixdə 44 nömrəli reyestr nömrəsi ilə Fonda üzv olan "Caspian Development Bank" ASC ("CDB Bank") "AtaBank" ASC-yə qoşularaq yenidən təşkil edildiyi üçün Əmanətlərin Sığortalanması Fonda üzv bankların reyestrindən çıxarılıb və ona verilən şəhadətnamə ləğv edilib ", - deyə qurumun məlumatında qeyd edilib.

Bununla Fonda üzv bankların sayı 31 olub.

Fond ictimaiyyətin diqqətinə çatdırır ki, "Əmanətlərin sığortalanması haqqında" qanunun 27.9-cu maddəsinə əsasən iştirakçı banklar birləşmə və ya qoşulma şəklində yenidən təşkil olunduqda əmanətçinin varis banka keçmiş hər bir əmanətinə müqavilə müddəti qurtaranadək ayrıca əmanət kimi baxılır və ayrı-ayrılıqda kompensasiya ödənilir.

Qeyd edək ki, "AtaBank" 1992-ci ilin 21-də 92 nömrəsi ilə Azərbaycan Mərkəzi Bankı tərəfindən dövlət qeydiyyatına alınmış "CDB Bank"ın ona qoşulması nəticəsində yenidən təşkil edilib.

Mənbə: Apa.az