Beynəlxalq Valyuta Fondunun (BVF) son Qlobal İqtisadi Proqnozlar hesabatına görə, qurum, 2019 və 2020 illərə dair qlobal iqtisadi artım proqnozunu aşağı salıb. 

Qlobal ticarət və Brexit məsələlərində atılacaq səhv siyasi addımların qlobal inkişafa çox mənfi təsir edə biləcəyi xəbərdarlığını edən BVF, 2019 və 2020-ci illər üçün müvafiq olaraq 3.2% və 3.5% artım nəzərdə tutur. Hər iki proqnoz Aprel ayındakı proqnozlar ilə müqayisədə 0.1 faiz bənd aşağıdır.

Qurum bu ilə dair proqnozunu dəfələrlə aşağı salıb. BVF keçən il 2019-da iqtisadi artımın 3.9% olacağını gözləyirdi. 3.3 faiz və ya daha aşağı reallaşacaq bir qlobal artım, 2009-cu ildən bu yana qeydə alınan ən zəif artım olacaq.

Eyni zamanda BVF, mal və xidmətlərin qlobal ticarət həcminin artmasına dair proqnozlarını aşağı salıb. Qurum 2019-cu ilə dair proqnozunu 0.9 bənd azaldaraq 2.5%-ə endirib.

Aşağıdakı qrafikdə qurumun mərhələli olaraq aşağı saldığı 2019 təxminləri və müvafiq tarixlər yer alır. Ağ sütun qurumun 2019 və 2020-ci illər üçün ən son proqnozunu göstərir. Mavi Apreldə, narıcı Yanvarda, bənövşəyi  Oktyabrda proqnozun aşağı salınmasını göstərir.

Çin üçün endirilib, ABŞ üçün artırılıb

Qurum, Çinin builki artım proqnozunu 6.2%-ə, gələn ilə dair proqnozunu 6%-ə endirib. Hər iki ilin proqnozunu 0.1 bənd azaldıb.

Çində keçən həftə açıqlanan ikinci rüb artım göstəricisi 6.2 faiz idi.  Bu 1992-ci ildən bu yana ən yavaş artımdır.

BVF ABŞ-ın 2019-cu ilə dair iqtisadi artım proqnozunu 0.3 bənd l artıraraq 2.6%-ə qaldırıb. Qurum  ABŞ üçün 2020 proqnozunu dəyişməyərək  1.9%-də saxlayıb.

ABŞ-da ikinci rübün iqtisadi artım rəqəmləri Cümə günü açıqlanacaq. Ekspertlərin proqnozu inkişafın  3.1%-dən 1.8%-ə gerilədiyi istiqamətindədir.

Marja