Müəllif: Tamara Mustafayeva, Banco.az
BVF: Müharibə inflyasiya və zəif artım təhlükəsi yaradır.
Banco.az xəbər verir ki, Beynəlxalq Valyuta Fondu (BVF) bildirib ki, ABŞ və İsrailin İrana qarşı apardığı müharibə qlobal, lakin qeyri-bərabər təsirə malik bir şok yaratmaq riski daşıyır və əvvəlki böhranların təsirlərindən yeni-yeni bərpa olunmağa başlayan iqtisadiyyatların perspektivinə mənfi təsir göstərir.
BVF bazar ertəsi yayımladığı bloq yazısında qeyd edib ki, neft idxalından böyük ölçüdə asılı olan Afrika və Asiya ölkələri, yüksək qiymətlərə baxmayaraq, ehtiyac duyduqları enerji təchizatına çıxış əldə etməkdə getdikcə daha çox çətinlik çəkirlər.
Beynəlxalq Valyuta Fondu belə qiymətləndirmə verib: “Bütün yollar daha yüksək qiymətlərə və daha zəif iqtisadi artıma aparır.”
Fond vurğulayıb ki, təchizat zəncirləri və infrastruktur üzərində yekun təsir münaqişənin davametmə müddətindən asılı olacaq: “Dünya davam edən qeyri-müəyyənlik və geosiyasi risklərlə birlikdə gərginliyin sürdüyü, enerjinin baha qaldığı və inflyasiyanın nəzarət altına alınmasının çətin olduğu bir vəziyyətdə qala bilər.”
ABŞ qoşunlarının bölgəyə çatmasından sonra “Brent” markalı neftin bir barelinin qiyməti də bazar ertəsi 115 ABŞ dollarına yüksəlib.
Bizi sosial şəbəkələrdən izləyin!!
