Tamara Mustafayeva, Banco.az
Yaponiya iqtisadiyyatı istehlak xərcləri sayəsində pandemiyadan əvvəlki dövrə qayıdır.
Banco.az xarici mətbuata istinadla xəbər verir ki, dünyanın üçüncü ən böyük iqtisadiyyatı koronavirusun müəssisələrin işinə təsirinin başa çatması ilə istehlak xərclərinin artması səbəbindən ilin II rübündə pandemiyadan əvvəlki vəziyyətini bərpa edib.
Bazar ertəsi açıqlanan hökumət məlumatlarına görə, ümumi daxili məhsul (ÜDM) bu ilin ikinci rübündə illik 2,2 faiz artaraq 2,6 faizlik median proqnozdan aşağı düşüb. Bu, iqtisadiyyatın həcmini 2019-cu ilin sonundakı səviyyədən yuxarı, 542,1 trilyon yenə (4,1 trilyon dollar) çatdırıb.
Qeyd edək ki, martın sonunda müəssisələrə tətbiq edilən pandemiya məhdudiyyətlərinin sona çatması iqtisadiyyatın canlanmasına kömək edib. Yaponiyanın iqtisadi istehsalının yarıdan çoxunu təşkil edən istehlak və kapital xərcləri artıma rəhbərlik edib. Məlumatlara görə, karantin məhdudiyyətlərinin yumşaldılması restoran və otellərdə, eləcə də hazır geyimdə xərclərin artması ilə nəticələnib.
Bizi sosial şəbəkələrdən izləyin!!
