Müəllif:Ayşən İmanova/Banco.az
Ermənistan hökuməti Fransa İnkişaf Agentliyi tərəfindən 75 milyon avro məbləğində kreditin ayrılmasını nəzərdə tutan sazişi təsdiqləyib.
Banco.az xəbər verir ki, bunu hökumətin iclasında həmin layihəni təqdim edən maliyyə naziri Vahe Ovannisyan deyib.
“Proqram üç əsas hissədən ibarətdir: dövlət maliyyə idarəçiliyi sisteminin təkmilləşdirilməsi, dövlət qiymətli kağızları və pul bazarlarının infrastrukturunun gücləndirilməsi, biznes fəaliyyətinin maliyyələşdirilməsi üçün yeni alətlərin hazırlanması və daha şəffaf idarəetmənin təmin edilməsi”, – nazir bildirib.
Ermənistan hökuməti üzvünün sözlərinə görə, proqram Asiya İnkişaf Bankı ilə birgə həyata keçirilir, məbləğ 2024-cü ildə dövlət büdcəsinin kəsirinin maliyyələşdirilməsinə yönəldiləcək, borcun əsas məbləğinin ödənilməsi müddəti 20 il olacaq.
Bizi sosial şəbəkələrdən izləyin!!
