Müəllif:Ayşən İmanova/Banco.az
Hindistan ÜDM artımının sürətləndirilməsi və ölkədə iqtisadi islahatların həyata keçirilməsi nəticəsində 2030-31-ci maliyyə ilinə qədər dünyanın üçüncü ən böyük iqtisadiyyatına çevrilməyə hazırlaşır.
Banco.az xəbər verir ki, bu proqnozla Amerikanın “S&P Global” analitik şirkəti çıxış edib.
“Cari 2024-25-ci maliyyə ilində Hindistanın ÜDM-in artım tempinin 8,2 % səviyyəsində proqnozlaşdırıldığı halda, ölkə iqtisadiyyatı logistika, özəl sektora investisiyaların stimullaşdırılması və dövlət kapitalından asılılığın azaldılması, biznes əməliyyatlarının təkmilləşdirilməsi üçün vacib olan davamlı islahatlar şərti ilə 2030-2031-ci maliyyə ilinə qədər dünyanın üçüncü ən böyük iqtisadiyyatı olmaq potensialına malikdir”, - hesabatda bildirilib.
Hindistanın dünyanın ilk üç iqtisadiyyatından biri olması üçün ilkin şərtlər güclü inkişaf perspektivləri və daha yaxşı tənzimləmə sayəsində ölkənin fond bazarlarının dinamikliyi və rəqabət qabiliyyətidir.
“S&P Global” qeyd edir ki, bu, həmçinin əsas inkişaf etməkdə olan bazar indekslərinə qoşulduqdan sonra ölkənin dövlət istiqrazlarına xarici investisiya axınının kəskin artması ilə də dəstəklənir.
