Bu ilin I yarısında dünyada qızıla tələbat ötən ilin eyni dövrü ilə müqayisədə 14% azalaraq 2 003,8 ton təşkil edib.
"Report" "World Gold Council"a istinadən xəbər verir ki, 2017-ci ilin II rübündə isə qiymətli metala tələbat illik müqayisədə 10% azalaraq 953,4 tona düşüb.
Azalmaya səbəb birjalardakı investisiya fondlarına axının azalması ilə izah olunur.
Qızıla tələbatla yanaşı, onun təklifi də azalıb. Belə ki, 2017-ci ilin II rübündə qızıl bazarında təklif illik müqayisədə 8% azalaraq 1 065,9 ton təşkil edib. Bu dövrdə qızıl hasilatı isə sabit qalıb, lakin təkrar emal 18% azalma nümayiş etdirib. Bu xəbər əmtəə birjalarında qızılın 1 unsiyasının qiymətinin 0,8% azalaraq 1 260 dollara düşməsinə səbəb olub.
