Müəllif: Gülnar Əhmədli, Banco.az
2024-cü ilin yanvar-may aylarında Azərbaycana xaricdən 2023-cü ilin eyni dövrü ilə müqayisədə 22.5% daha çox (9 818) aviareys təşkil olunub.
Banco.az Dövlət Turizm Agentliyinə istinadən xəbər verir ki, 5 ay ərzində ölkəyə ən çox reys Rusiya (2 928) istiqamətindən olub.
İkinci yerdə Türkiyə (2 083), üçüncü yerdə isə 1 231 reyslə Birləşmiş Ərəb Əmirlikləri (BƏƏ) qərarlaşıb.
Xatırladaq ki, ötən ilin eyni dövründə Rusiyadan Azərbaycana reyslərin sayı 2 622, Türkiyədən 1 889, Birləşmiş Ərəb Əmirliklərindən isə 888 olub.
Bizi sosial şəbəkələrdən izləyin!!
